gujarati world

Share

(Later addition to the post, from janmbhoomi pravasi 21-12-10)

સંશોધક મિત્ર હરીશ રઘુવંશીના ફોનથી જાણ થઇ કે બાબુભાઇ મિસ્ત્રી 19 ડિસેમ્બર, 2010ના રોજ ગયા. હરીશભાઇએ સમાચાર જાણ્યા પછી બાબુભાઇના ઘરે ફોન કરીને તેમનાં બહેન સાથે વાત કરીને ખરાઇ કરી હતી. 5 સપ્ટેમ્બર, 1916ના રોજ જન્મેલા બાબુભાઇ હિંદી ફિલ્મોના ડિરેક્ટર-કેમેરામેન તો ખરા જ, પણ તે જાણીતા બન્યા તેમની ટ્રીક ફોટોગ્રાફી અને ‘કાલા ધાગા’ ટેકનિકથી.

થોડાં વર્ષો પહેલાં મુંબઇમાં બાબુભાઇ મિસ્ત્રીના ઘરે ગયો ત્યારે તેમના ભત્રીજા સાથે સારી એવી વાતચીત થઇ હતી. બાબુભાઇના થોડા ફોટા પણ લીધા હતા. (ડિજિટલ કેમેરા ન હોવાથી ફોટાની ગણતરી રાખવી પડતી હતી.) બાબુભાઇ ગળાના કેન્સરને લીધે માંડ ફફડાટ જેવું બોલી શકતા. છતાં વાતોમાં એ પણ યથાશક્તિ સામેલ હતા. એ વખતે ‘ગુજરાત સમાચાર’ની શતદલ પૂર્તિમાં આવતી મારી કોલમમાં લખેલો લેખ અને હરીશભાઇએ થોડા સમય પહેલાં તેમની દિવ્ય ભાસ્કરની કોલમમાં લખેલો લેખ બાબુભાઇ મિસ્ત્રીને વિદાયની અંજલિ તરીકે મૂક્યા છે.

(click to enlarge)